ما لا تعرفه عن عالم الرياضيات الفذ أويلر Leonhard Euler
امبارح افتكرت ان ده تاريخ عيد ميلاد واحد من أهم علماء الرياضيات وهو Leonhard Euler اللي اتولد في يوم 15 من أبريل سنة 1707 في سويسرا.ليونارد أويلر (15 ابريل 1707–18 سبتمبر 1783) كان عالم رياضيات و فيزيا من سويسرا عمل اكتشافات مهمه فى مجالات متنوعه زى حساب التفاضل والتكامل متناهى الصغر و نظرية المخططات و قدم برضه الكثير من المصطلحات الرياضيه . و اهم اعماله المشهوره كانت فى التحليل الرياضياتى ، زى مفهوم الدالة الرياضية و هو مشهور برضه بسبب اعماله فى مجالات الميكانيكا ، ديناميكا الموائع ، البصريات ، و علم الفلك
الراجل ده اسمه ليونارد "أو ليونهارت" أويلر، لو متعرفوش فا الراجل ده من تنانين علم الرياضيات في التاريخ، أو ممكن يكون أكبر تنين فيهم
الراجل ده عاش 76 سنة، في القرن ال 18، ألف فيهم أكتر من 800 إصدار رياضي، وما شاء الله مفيش واحد منه بيجلي منه، كل مساهمة ليه كانت مهمة جدًا وليها قيمتها، وفيه منها اللي قوم فروع كاملة في الرياضيات، في أواخر حياته نظره كان بيضعف لحد ما جاله عمى كامل في عينه اليمين، يسكت؟ لا جاب مساعد يكتبله ملاحظاته في الرياضيات عشان يعمل إصدارات جديدة
ما شاء الله الراجل كان شغال في الهندسة وحساب المثلثات والجبر ونظرية الأعداد والحسابات متناهية الصغر وغيرها، وكمل كمان في الفيزياء المتصلة والنظرية القمرية وغيرها كتير برضه
من مساهمات أويلر اللي غيرت تاريخ الرياضيات تقريبًا هي تقديمه لمفاهيم زي الدالة، أيوه هي اللي كانت معقداك f(x)، واللوغاريتمات باختراعه عدد أويلر الشهير اللي الرمز بتاعه حرف e، واخترع رقم تاني مشهور جدًا في الرياضيات اسمه ثابت أويلر اللي هو علامته شبه ال y
مش بس ليه مساهمات رهيبة زي دي في الرياضيات، الراجل كمان اخترع معادلات زي المعادلة اللي في الصورة دي مثلًا، واللي كتير من علماء الرياضيات بيعتبروها أعظم وأجمل معادلة في تاريخ الرياضيات، الراجل جاب أربع ثوابت مفيش أي علاقة واضحة بينهم (اللي هما ال 0 وال 1 وال e و ال i) وحطهم في معادلة واحدة واستخدم فيها مبادئ الجمع والضرب والمساواة والأسية في معادلة واحدة، ده راجل تنين فعلًا، عايز اقولكم ان كل واحد من الثوابت اللي فوق دي (0، 1، e، i) مقوم فروع كاملة في الرياضيات وبراهين وإثباتات وتطبيقات معقدة، يقوم يجي القادر يحطهم في معادلة واحدة، دي حاجة كده متقلش أهمية عن معادلة أينشتاين في الفيزياء.
يسكت الراجل على المعادلة دي؟ أبدًا، من أهم 5 معادلات في تاريخ الرياضيات، أويلر مشارك في 3 منهم، يعني تقريبًا مشارك في 60% من تاريخ الرياضيات لوحده
الله يباركلك والله يا عم أويلر، واحنا آسفين اننا تقريبًا منعرفش عنك حاجة
مؤلف كتاب عناصر من الجبر يبتدأ هذا الكتاب فى الجبر الاساسي بنقاش حول طبيعة الأعداد ويعطي مقدمة يسيرة الفهم الى الجبر، متضمنا صيغا لحلول متعددات الحدود.
هو رياضياتي وفيزيائي وفلكي وعالم منطق ومهندس سويسري وضع اكتشافات مهمة ومؤثرة في معظم فروع الرياضيات كالحساب المتناهي الصغر ونظرية المخططات، كما أنه أسهم في عدة فروع أخرى مثل الطوبولوجيا ونظرية الأعداد التحليلية. ويعود له الفضل في إدخال كثير من المصطلحات والترميزات الرياضية ولا سيما في مجال التحليل الرياضي كمفهوم الدالة الرياضية مثلا. وهو مشهور أيضا بأعماله في الميكانيكا وديناميكا الموائع والبصريات وعلم الفلك ونظرية الموسيقى. أويلر هو أعظم رياضي في القرن الثامن عشر وأحد أكبر الرياضيين في التاريخ. وهو أغزر الرياضياتيين إنتاجا على الإطلاق، لأنه ألف ما يتراوح بين الستين والثمانين مجلدا تفوق بها على أي شخص آخر في المجال. أنفق أويلر جزءا كبيرا من حياته البالغة في مدينة سانت بطرسبرغ الروسية وفي برلين التي كانت حينها عاصمة بروسيا. قال عنه بيير سيمون لابلاس «اقرؤوا أويلر.. اقرؤوا أويلر فهو معلمنا جميعا».
اللي فكرني اني كنت بصحح سؤال فيه تجميعات، وهو أول من استخدم الرمز ∑ للتعبير عن التجميع، وبالمناسبة، استخدام الرموز: π و e و i، وحتي استخدام الرمز (f(x كلها تعود إليه.العبقري أويلر كان رياضياتي لامع جدا وفيزيائي وعالم فلك ومهندس إنشاءات!في الثالثة عشر من عمره التحق بجامعة بازل، وفي سنة 1723 (وعمره 16 سنة) حصل على الماجستير في الفلسفة منها بعد كتابته لمقال قارن فيه فلسفة ديكارت بفلسفة نيوتن. درس أويلر أيضا علم اللاهوت واليونانية والعبرية بالإضافة إلى الألمانية والروسية.ويعتبر أويلر أكثر الرياضياتيين غزارةً في الإنتاج على الإطلاق، حيث ألف أكثر من ستين مجلدا، وهذا أكثر من إنتاج أي شخص آخر في مجاله، وقال الرياضياتي الشهير لابلاس عن مؤلفاته «اقرأ أويلر.. اقرأ أويلر فهو سيدنا جميعاً»وُضعت صورة أويلر في الأوراق المالية السويسرية من فئة عشر فرنكات، كما وضعت في طوابع بريدية سويسرية وأيضا ألمانية وروسية (حيث أنه قضى أجزاء من حياته فيهما) تكريما له.
اشترك في قناتنا علي التليجرام بالضغط علي الصورة التالية
