خدمات تنسيق الشهادات المعادلة الان التسجيل مفتوح للشهادات المعادلة
هام جدا خدمات تنسيق الشهادات المعادلة الان التسجيل مفتوح للشهادات المعادلة
- هتدخلوا على موقع التنسيق..
- هتدوسوا على تسجيل جديد
- هتكتبوا شوية معلومات (نوع الشهادة، اسم المدرسة واسم الدولة، بيانات الطالب،)
- ومن ضمن المعلومات هتكتبوا عنوان الطالب.. بتكتبوا اي عنوان انتوا حابينه.. اللي عايز يدخل جامعة القاهرة مثلًا يكتب عنوان في القاهرة او الجيزة، جامعة اسكندرية يبقى يكتب اسكندرية وهكذا.. *"بس"* العنوان ده مش هيتغير طالما خلصتوا تسجيل بيانات..
- هتكتبوا رقم موبايل وهيتبعت عليه رقم تكتبوه في الموقع
- هتدوسوا مراجعة وتأكيد الطلب
- هتلاقوا كل المعلومات اللي كتبتوها ظهرت.. تتأكدوا منها كويس عشان تعديل البيانات مش حاجة بسيطة..
- هيظهر صفحة الدفع.. هتدوسوا طباعة عشان تطبعوا اذن الدفع وتروحوا لأي مكتب بريد تعملوا حوالة بـ مبلغ هيتحدد مع بداية التنسيق.. هيبقى اكتر من 1000 جنيه
- بعد او قبل الدفع على حسب الدنيا هتمشي ازاي هيتبعت رسالة على الموبايل بـ يوزر وباسوورد..
- هتدخلوا تاني على موقع التنسيق بنفس الخطوات وعند صفحة تسجيل الدخول هتكتبوا اليوزر والباس اللي جم في الرسالة..
- هيظهرلكم 3 خطوات..
1- عرض البيانات الشخصية.. هتتاكدوا من المعلومات وتدوسوا طباعة..
2- عرض الدرجات.. هتلاقوا كل درجات المدرسة بما فيها درجة القدرات هتتأكدوا منهم وتطبعوهم..
3- تسجيل الرغبات..
- هتختاروا نوع الشهادة.. سواء عربية او اجنبية..
- تكتبوا اليوزر والباس اللي استخدمتوه
- هتظهر لكم معلومات شخصية تتأكدوا منها وبعدين الخطوة التالية
- هتبدأ خطوة ادخال الرغبات
في خيارين..
- الاختيار بالتخصصات
وده يعني تختاروا تخصص معين في كل الجامعات..
طب القاهرة
طب عين شمس
طب اسكندرية وهكذا
- الاختيار بالجامعات
طب القاهرة
اسنان القاهرة
صيدلة القاهرة وهكذا
- متاح ليكم 75 رغبة
- هتراعوا في التسجيل المنطقة الجغرافية..
منطقة أ يعني الجامعات الاقرب للعنوان اللي اتسجل في العنوان في بداية التسجيل..
منطقة ب ابعد من أ شوية
منطقة ج ابعد جامعات عن العنوان..
- لازم تمشوا بالترتيب..
أ، ب، ج.. مينفعش ب، أ، ج
- بعد ما تخلصوا هتدوسوا التالي
- هيظهر شوية معلومات تكتبوها..
- وبعدين هيظهر استمارة الرغبات.. مكتوب فيها المعلومات الشخصية والرغبات اللي كتبتوها.. هتطبعوها..
وتقدروا تعدلوا على الرغبات تاني في اي وقت عادي حتى بعد تسليم الورق لمكتب التنسيق...
بعد ما تخلصوا الحوارات دي كلها..
هتجيبوا اي ملف وتحطوا فيه الورق ده
- شهادة الثانوية الاصل موثقة..
- صورة من نتيجة القدرات من غير توثيق..
- شهادة ميلاد جديدة (تكون طلعت 2020 او بعد كده)
- صورة جواز السفر وصورة من تأشيرات الدخول والخروج للطالب وولي امره..
- صورة الإقامة للطالب وولي أمره
- الورق اللي طبعتوه اثناء التسجيل..
- وتاخدوا معاكوا وصل الدفع اللي هتستلموه من مكتب البريد بعد دفع رسوم التسجيل
- هتروحوا لمكتب التنسيق بالملف ده..
- تسلموا وصل الدفع هتستلموا ملف ورق
- هتلاقوا في الملف ورقة وكتاب
- هتفتحوا الكتاب تقطعوا اول ورقة اسمها استمارة 555
- هتكتبوا المعلومات المكتوبة على الورقتين والمعلومات الموجوده على الملف من برا وتحطوا كل الورق اللي معاكوا في الملف
- هتسلموه للموظف وهيديكوا وصل استلام..
- وصل الاستلام فايدته لو حصل مشكلة في الملف ولا حاجة فـ ده اثبات انك سلمتهم الملف.. + اللي مقدمين خاص هيسلموا وصل الاستلام ده للجامعة.. من غيره ممكن يلغوا القيد..
- وبس.. تستنوا النتيجة على موقع التنسيق
في حالة وجود أي استفسار أو سؤال يمكنك الاتصال من أي مكان في العالم برقم تليفون : 15999 في مصر (سعر المكالمة العادي)
تم تصميم وتنفيذ البرامج بواسطة فريق عمل من كلية الهندسة جامعة القاهرة
قد يعجبك ايضا